KONFEKOOPEK ETA KOOPERATIBEN KONTSEILUAK TORRES LEHENDAKARIORDEAREKIN PARTEKATU DUTE 2025eko KOOPERATIBEN NAZIOARTEKO URTEA (AIC2025) OSPATZEKO JARDUEREN EGUTEGIA

• Ekitaldi hau baliagarria izango da eredu kooperatiboak Euskadiko garapen ekonomiko, sozial eta iraunkorrean duen funtsezko papera nabarmentzeko. Izan ere, 2.000 euskal kooperatibek Euskadiko BPGaren % 8 baino gehiago sortzen dute eta 61.000 pertsona baino gehiago enplegatzen dituzte zuzenean.

Nazio Batuek ofizialki 2025 Kooperatiben Nazioarteko Urtea izendatu zuten, Garapen Jasangarriko Helburuak eta 2030 Agenda lortzeko egindako ekarpenagatik

KONFEKOOPek eta KOOPERATIBEN KONTSEILUAk bilera izan dute Mikel Torres Eusko Jaurlaritzako bigarren lehendakariorde eta Ekonomia, Lan eta Enplegu sailburuarekin, bi erakundeek 2025ean Kooperatiben Nazioarteko Urtea ospatzeko diseinatutako jarduera-egutegia partekatzeko.

Nazio Batuek ofizialki 2025. urtea Kooperatiben Nazioarteko Urtea izendatu zuten, Garapen Jasangarriko Helburuak eta 2030 Agenda lortzeko egindako ekarpenagatik, eta NBEk gai orokor hau aukeratu zuen: “Kooperatibek mundu hobea eraikitzen dute”.

Ekitaldi global hau aukera paregabea izango da kooperatiba-ereduak Euskadiren garapen ekonomiko, sozial eta iraunkorrean duen funtsezko zeregina nabarmentzeko, kooperatibok ere mundu hobea eraikitzen baitugu Euskadin. “Gure 2.000 kooperatibek baino gehiagok EAEko BPGaren % 8 baino gehiago sortzen dute, 61.000 pertsona baino gehiago enplegatzen dituzte zuzenean, eta beren sustraitzeagatik, berdintasunarekiko konpromisoagatik eta gizarte-kohesioagatik nabarmentzen dira”, adierazi du Rosa Lavin KONFEKOOPeko presidenteak.

Kooperatibak “ekonomia eta enpresa ulertzeko, ekoizteko, aberastasuna banatzeko, ekiteko, kudeatzeko eta kontsumitzeko beste modu bat dira, ekonomia tradizionalaren alternatiba gisa. “Datu ofizialek berresten dute enpresa kooperatiboen presentzia handiagoa den tokietan desberdintasun gutxiago dagoela”, dio Patxi Olabarria KOOPERATIBEN KONTSEILUKO presidenteak.

Zalantzarik gabe, Kooperatiben Nazioarteko Urtearen ospakizunak enpresa kooperatiboei ikusgarritasun handiagoa emango die, eta gizartea kontzientziatzeko balioko du, gure eredu ekonomiko kooperatiboak garapen iraunkorrari eta berdintasunezko, bidezko eta kohesionatuagoko gizartea eraikitzeari egiten dion ekarpenaz kontzientziatzeko.

Euskal kooperatiba-mugimenduko liderrak bat etorri dira Torres lehendakariordearekin, eta esan dute AIC2025 ekimena «baliagarria izango dela euskal kooperatiba-mugimenduaren ordezkaritza sendotzeko, bai eta kooperatiba-enpresen eta haien eredu ekonomikoaren sustapena, hazkundea eta garapena bultzatzeko ere, betiere gazteen etorkizunari begira jarrita» eta «gazteentzat erakargarria izan dadin», parte har dezan eta kooperatibek mundu hobea sortzeko duten ahalmenarekin bat egin dezaten, adierazi du Mikel Torres lehendakariordeak.

Gazteak eta ekintzailetza izango dira, halaber, AIC2025en gai nagusiak Euskadin; hala nabarmendu dezakegu urrian egingo den Nazio Batuen Erakundearen gazteen nazioarteko topaketan, Mondragon City Challengean, eta ekintzailetza kolektiboa sustatzeko eta bultzatzeko Ekintzaileen Kooperatibaren sorreran, zeinaren ardatzak baitira Eusko Jaurlaritzako Ekonomia, Lan eta Enplegu Sailaren lehentasunak.

Ildo horretan, bileran zehar, KONFEKOOPek eta KOOPERATIBEN KONTSEILUAK AIC2025a egiteko aurreikusitako mugarri nagusiak aurreratu dira; horien artean, nabarmentzekoak dira ASETTen (Arizmendiarrieta Social Economy Think Tank) inaugurazioa Donostian, berrikuntza eta lehiakortasun kooperatiborako erreferentziazko gune izango dena, eta maiatzean egingo den ASETTen lehen Nazioarteko Foroa.

Egutegiak etxebizitza-kooperatibekin lotutako ekimenak ere jasotzen ditu, erabilera-lagapeneko erregimenean, bazkideentzako prezio eskuragarrian etxebizitzak eskaintzen dituztenak eta biztanleria gazteenaren emantzipazio-beharretarako alternatiba bideragarriak direnak eta etxebizitzaren merkatuaren inguruko espekulaziotik kanpo daudenak.

Rosa Lavin KONFEKOOPeko presidenteak azpimarratu duenez, “2025a urte garrantzitsua izango da euskal kooperatiben ereduari balioa emateko eta eredu horrek tokian-tokian zein nazioartean duen eragina indartzeko. Jarduera horiek berrikuntzarekin, ekintzailetzarekin, berdintasunarekin, jasangarritasunarekin eta gizarte-kohesioarekin dugun konpromisoa islatzen dute “. “Kooperatibismotik, berdintasuna eta gizarte-kohesioa sustatzen duten gizarte oparoagoetarantz egin dezakegu aurrera, eta gure lana horretara bideratuta dago”, gaineratu du.

Patxi Olabarria KOOPERATIBEN KONTSEILUKO presidenteak azpimarratu du oso garrantzitsua dela gazteak balio kooperatiboekin konprometitzea. “Baloreak dituen eta etorkizun hobea eskaintzen dien gizartea eraldatzeko anbizioa duen enpresa baterantz erakarri behar ditugu gazteak”.

Bestalde, Mikel Torres lehendakariordeak, Lan eta Gizarte Segurantzako sailburuorde Elena Barredo eta Gizarte Ekonomiako zuzendari Jokin Diaz lagun zituela, erakundeen eta kooperatiben arteko lankidetza horren garrantzia azpimarratu du erronka globalei heltzeko, bereziki trantsizio energetikoaren, digitalizazioaren eta talentuaren sustapenaren esparruetan, bai eta Eusko Jaurlaritzaren eskumen esklusiboa den lege- eta arau-garapenean ere.