Rosa Lavin eta Leire Mugerza Madrilen izan dira Gizarte Ekonomiako emakume liderren topaketa batean

Berdintasun eraginkorrean aurrera egitea justizia-kontua dela sinetsita, Yolanda Díaz bigarren presidenteorde eta Lan eta Gizarte Ekonomiako ministroak Gizarte Ekonomian gizonen eta emakumeen arteko berdintasun eraginkorrerako ibilbide-orri bat aurkeztu zuen joan den ekainaren 2an, eta bertan izan ziren, besteak beste, KONFEKOOPeko presidente Rosa Lavin eta Arrasateko Kongresuko presidente Leire Mugerza, enpresa-eredu horretako 30 bat ordezkari nabarmenekin batera.

Ekitaldian aurkeztu zen ibilbide-orriarekin, jarduera-ildo batzuk ezartzen dira hainbat eremutan, eta urtean zehar garatuko dira. Ekintza-arloa honako hau da: emakumeek Gizarte Ekonomiako enpresetan eta erakundeetan duten egoera aztertzea, sektorean emakumeak ahalduntzeko laguntza ematea lidergo-postuetarako sarbidea sustatzeko, baina baita bizitza pertsonala, familiakoa eta lanekoa uztartzeko eta ordutegiak arrazionalizatzeko laguntza ere, eta prestakuntza ematea, haien kualifikazioak optimizatzeko eta haien ikusgarritasuna eta lidergoa handitzeko.