KONFEKOOPek Arkauteko Nekazaritza eta Elikagaigintza Kooperatiben Elkartearen 4. Osoko Bilkura egin zuen

Joan den ostiralean, martxoaren 24an, Arkauteko (Araba) Nekazaritza Eskolako ekitaldi-aretoan, KONFEKOOPeko Nekazaritza eta Elikadura Kooperatiben Elkartearen 4. Osoko Bilkura egin zen.
Edizio honetan Batzorde Sektoriala osatuko duten kooperatibak aukeratzeko bozketa egin da, 11 guztira, datozen 4 urteetarako, KONFEKOOPeko Kontseilu Errektorea berritzearekin batera. 2023tik 2027ra arte, sektoreko kooperatiba hauek ordezkatuko dute: Lorra S. Coop, Barrenetxe S. Coop eta Garaia S. Coop, Bizkaian; Kaiku S. Coop, Abelur S. Coop eta Euskaber S. Coop, Gipuzkoan; eta Garlan S. Coop, Udapa S. Coop, Corporación, S. Coop, Nª Sª de Ocón S. Coop eta San Tirso S. Coop, Araban.
Aurreko edizioetan bezala, Gizarte Ekonomiako Zuzendaritza eta Eusko Jaurlaritzako Nekazaritza Sailburuordetza gurekin izan ziren gure urteroko topaketan, gure kooperatibei babesa erakusteko.
Era berean, EAEko Espainiako nekazaritzako elikagaien kooperatiben konfederazioko egungo zuzendariak, Gabriel Trenzadok, parte hartu zuen ekitaldian, eta bertaratutakoei hitz batzuk helarazi zizkien.
Bilkuran, 2022. urtea berrikusi zen, kooperatiben eta KONFEKOOPen beraren jarduerari eta bilakaerari dagokienez, eta 2023rako aurreikusitako kudeaketa plana aurkeztu zen.
Gainera, oraingo honetan, omenaldia egin zitzaien azken hamarkadetan erakundean aktiboki parte hartu duten bi kontseilariri. Hala, Abelur S. Coop. eta Urkaiko-Harakai S. Coop. kooperatibetako Juan Bautista Jauregik eta Patxi Aldasorok, hurrenez hurren, bileran parte hartu zuten pertsonen txalo zaparrada beroa jaso zuten.
Amaieran, ohikoa den bezala, Asier Alea Basque Culinary Centerreko garapen globaleko zuzendariak hitzaldi bat eman zuen nekazaritza eta elikaduraren inguruko hurrengo berrikuntza olatuari buruz. Munduko gaurkotasunari, oreka demografiko berriari eta joerei buruzko hausnarketan, kooperatibek aurre egin beharko dieten erronkak konplexuak izango direla susmatzen dugu, zuzendu beharreko merkatuen dimentsioari eta orientazioari dagokienez.