Espainiako Nekazaritzako Elikagaien Kooperatiben eta Nekazaritza, Arrantza eta Elikadura Ministerioaren (MAPAren) arteko hitzarmenaren arabera, hasiera emango zaio nekazaritzako elikagaien kooperatibetako kontseilu errektoreentzako 2021eko prestakuntza-programari, haien profesionalizazioa, berdintasuna eta belaunaldi-erreleboa bultzatze aldera. Helburuak:

• Kontseilu errektoreetako kideei beren profesionalizazioa hobetzeko eta eginkizunetan jarduteko behar dituzten tresnak, ezagutzak eta trebetasunak eskaintzea.
• Kontseilu errektoreetako kideen gaitasunak hobetzea eguneroko zereginetarako, hala nola bilerak egiteko eta erabakiak hartzeko.
• Kontseilu errektoreak sentsibilizatzea sektorean azaleratzen ari diren erronka eta joerei erantzuteko erabaki estrategikoak hartzeko beharraz.
• Kooperatiba-sozietateen funtzionamendua hobetzea enpresa-sistema lehiakor gisa.
• Ingurunearen etengabeko aldaketetara egokitzea, merkatu gero eta irekiago eta globalago baten erronkak gainditzea eta modu efiziente eta jasangarri batean baliatzea aukerak.
• Etorkizuneko kontseilariak trebatzea, gazteak eta emakumeak lehenetsita, kooperatiben geroko funtzionamendu egokia ziurtatzeko.
• Bidean diren edo aurreikusita dauden kooperatiben arteko integrazio-prozesuak bultzatzea eta horietan sakontzea, enpresen efizientzia eta integrazio handiagoa ekarriko duten formulak sustatzeko.
• Pertsonek eta kooperatibek elkar ezagutu dezaten erraztea, autonomia-erkidegoaz gaindiko enpresen arteko lankidetza-prozesuak ahalbidetuko duten konfiantza sorrarazteko.

Jardueren tipologia

Hauei zuzentzen zaie prestakuntza-plana: Espainiako estatuko nekazaritzako elikagaien alorreko kooperatiben kontseilu errektoreetako kideei eta kooperatiba horietako zein alor horretako beste erakunde asoziatibo batzuetako etorkizuneko zuzendariei.

Programatutako prestakuntza-ekintzak presentzialak nahiz onlinekoak izango dira. Nekazaritzako elikagaien alorreko kooperatiben zein alor horretako beste erakunde asoziatibo batzuen premia berezietara egokitzeko moduko prestakuntza-moduluak izango dituzte.

Prestakuntza-jarduerek, presentzialek eta ez-presentzialek, 8 ordu iraungo dute gehienez, eta, modalitatearen arabera, egun batean edo batzuetan eman ahal izango dira. Gutxienez 8 ikasle izango dira, baina kontuan hartu beharreko ñabarduraren bat izango du betekizun horrek. Lantegi bakoitzak jarraian zehazten diren modulu bat edo batzuk izango ditu. Modulu bakoitzak 2 ordu iraungo du gutxienez.

• ERAKUNDEAREN PRESTAKUNTZA-BEHARRAK AZTERTZEKO MODULUA.
• KOOPERATIBISMOAREN ESPARRU JURIDIKOARI BURUZKO MODULUA-I.
• KOOPERATIBISMOAREN ESPARRU JURIDIKOARI BURUZKO MODULUA-II
• KOOPERATIBISMOAREN ARAUBIDE EKONOMIKOARI BURUZKO MODULUA-I.
• KOOPERATIBISMOAREN ARAUBIDE EKONOMIKOARI BURUZKO MODULUA-II.
• OINARRIZKO ENPRESA-GAITASUNEI BURUZKO MODULUA: PLANGINTZA ESTRATEGIKOA-I
• OINARRIZKO ENPRESA-GAITASUNEI BURUZKO MODULUA: PLANGINTZA ESTRATEGIKOA-II (talde-lana)
• OINARRIZKO ENPRESA-GAITASUNEI BURUZKO MODULUA: MARKETINA-I
• OINARRIZKO ENPRESA-GAITASUNEI BURUZKO MODULUA: MARKETINA-II
• OINARRIZKO ENPRESA-GAITASUNEI BURUZKO MODULUA: ELIKAGAIEN KALITATEA ETA SEGURTASUNA
• OINARRIZKO ENPRESA-GAITASUNEI BURUZKO MODULUA: INGURUMENA ETA ENERGIA-EFIZIENTZIA
• OINARRIZKO ENPRESA-GAITASUNEI BURUZKO MODULUA: KOOPERATIBETAKO GIZONEN ETA EMAKUMEEN ARTEKO AUKERA-BERDINTASUNA
• OINARRIZKO ENPRESA-GAITASUNEI BURUZKO MODULUA: LANEKO ARRISKUEN PREBENTZIOA
• NEKAZARITZAKO ELIKAGAIEN SEKTOREARI BURUZKO MODULUA-I
• NEKAZARITZAKO ELIKAGAIEN SEKTOREARI BURUZKO MODULUA-II
• ZUZENDARITZA-GAITASUNEI BURUZKO MODULUA-I, II, III eta IV
• KOOPERATIBEN INTEGRAZIOARI BURUZKO MODULUA
• NEKAZARITZAKO ELIKAGAIEN ALORREKO ENPRESAREN ERRONKAK ETA ESTRATEGIAK, ETA INGURUNE SOZIOEKONOMIKOA
• INBERTSIOEN FINANTZAKETA ETA ANALISIA
• ENPRESEN ARTEKO LANKIDETZARAKO FORMULAK
• KOOPERATIBAREN NEGOZIO-EREDUA
• NAZIOARTEKOTZEA
• BERRIKUNTZA ETA IKT-AK
• KOOPERATIBEN GIZARTE-ERANTZUKIZUNA
• KOMUNIKAZIO-PLANA
• KOOPERATIBAREN GOBERNUA
• KASU ARRAKASTATSUAK ETA NAZIOKO EDO NAZIOARTEKO BISITA TEKNIKOAK

Informazio gehiago:

Nekazaritza, Arrantza eta Elikadura Ministerioak finantzatzen ditu prestakuntza-ekintza hauek, aipatutako hitzarmenaren bidez.

Prestakuntza egin nahi duten kooperatibek informazio gehiago eska dezakete ondoko helbide elektronikoan.

Harremanetarako:

Maite Corres.
Telefonoa: 945 12 20 50         

mcorres@konfekoop.coop