AgroAraba topaketaren ondorioak: Arabako nekazaritzaren erronkak eta etorkizuna

Arabako nekazariek eta abeltzainek sektorea itotzen ari diren zailtasun ugariri egin behar diete aurre, hala nola belaunaldi-txandaketarik ezari.

Gasteiz, 2023ko otsailaren 16a. Arabako DNAn dagoen funtsezko sektorea da, baina historiako unerik kritikoenetako batean dago. Datu errealetan, nekazaritza- eta abeltzaintza-sektorea 1990eko hamarkadako mailetara jausi da. Egoera horrek sektoreko profesionalen lana zailtzen du nagusiki, baina gainerako arabarrentzat ere bigarren mailako kalte bat da. Gainera, inflazioak, prezioen etengabeko igoerak —hala nola energiarena (+% 50), pentsuena (+% 35) eta produktu fitosanitarioena (+% 20)— eta egungo klima-aldaketak abeltzainen eta nekazarien errentagarritasuna eragozten dute.

Dena den, balantzaren alde ilun hori onartuta ere, profesionalek baikortasunez begiratzen diote etorkizunari, sektorera talentu berria erakarri nahian, belaunaldi-txandaketa bermatzeko, eta ausardiaz ekiten diete erronka berriei. DIARIO DE NOTICIAS DE ÁLAVA egunkariak topaketa bat egin du hainbat profesionalekin, Arabako nekazaritzaren egoera ezagutzeko eta horri buruz hitz egiteko eta eztabaidatzeko. Sektore horren egungo egoeraren berri ematen du, bai alderdirik negatiboenean, bai positiboenean. Topaketa grabatu egin zenez, grabaketa ikusteko aukera dago.

Diario de Noticias egunkariko zuzendari Víctor Goñik moderatuta, esperientzia handiko sei profesional elkartu dira: Andrés García (Garlaneko zuzendari nagusia), Goio Manrique (HAZko antolaketako eta eraldaketa digitaleko zuzendaria), Maite Corres Manero (Konfekoopeko nekazaritzako elikagaien arloko teknikari koordinatzailea), Olatz Unzamunaga (Neikerreko berrikuntzako eta teknologiako arduraduna, Jesús Manuel Moreno (Udapa Sociedad Cooperativa sozietateko merkataritza- eta marketin-zuzendaria) eta Luis García Hernández (Nafarroako Rural Kutxako nekazaritza-saileko arduraduna).

Nekazaritza- eta abeltzaintza-sektorea talentu berrien bila ari da belaunaldi-txandaketa bermatzeko

Arabako Parke Teknologikoan egin da topaketa, eta Rural Kutxa, Esconsu, Garlan, HAZI, Konfekoop, Neiker eta Udapa izan dira babesleak. Lerro hauetan, topaketari buruzko informaziorik nabarmenena jaso dugu, baita ondorio argiak ere. nekazaritza- eta abeltzaintza-sektorea funtsezkoa da Arabako lurraldearentzat, eta kontsumitzaileak zero kilometroko elikadura ekologikoaren alde egin dezan behar du. Arabako elikadurak, herritarren osasunarentzat onuragarria izateaz gain, lurraldeko ekonomia sustatzen du, eta lanari eusten laguntzen die egunez egun eta egoera korapilatsuei aurre eginez lan egiten duten ehunka abeltzaini eta nekazariri.

Maite Corres Manero

Konfekoop Euskadiko Kooperatiben Konfederazioa da. 1.400 kooperatiba ditu guztira, eta horietatik 70 nekazaritzako elikagaien kooperatibak dira. Konfekoopek Agro topaketan parte hartu izanaren harira, «Agrosmart Global Europako proiektuaren emaitzen berri eman nahi da; proiektu horrek nekazaritzako elikagaien kooperatiben eskura jarri ditu beren produktuak tresna digitalekin nazioartekotzeko eta merkaturatzeko jardunbide egokiak», esan du Maite Corresek.

https://www.agrosmartglobal.eu/mooc/ estekan, sortutako prestakuntza-edukia ikusteko aukera dago. Halaber, «kooperatibek esperientzia pilotuetan hartu dute parte, merkataritza elektronikoko plataforma nagusiak probatuz, eta Europako hego-mendebaldeko beste eskualde batzuetako kooperatibekin ezagutza eta esperientzia hobeak partekatuz, beren produktuak sustatzeko eta lehiakorragoak izateko helburu nagusiarekin», erantsi du teknikari koordinatzaileak.

«Araban, 360 pertsonak egiten dute lan nekazaritzako kooperatibetan, eta, horietatik, inoren konturako langileak dira gehien-gehienak. Lanpostu-kopuru handia da hori», ziurtatu du Corresek. Eta Arabako elikaduraren alde egitera animatzen ditu herritarrak, «prestatzeko lan gutxien ematen duten elikagaiak» erosi gabe.