Akordio horren arabera, elkartutako kooperatibek Cajamarren finantzaketa-lerroak eta maileguak eskuratu ahal izango dituzte, honetarako: kooperatibak sortzeko edo integratzeko, inbertsio berrietarako, nazioarteko negozioetarako, likidezia ematen duten produktuetarako, autokontsumoko proiektu fotovoltaikoetarako, kapital sozial kooperatiboari ekarpenak egiteko eta belaunaldien arteko erreleboa errazteko.

Era berean, KONFEKOOPeko langileek eta bazkideek partikularrentzako produktuak eta zerbitzuak baldintza berezietan izango dituzte eskura.

Eduardo Baamonde Cajamarreko lehendakariak aintzat hartu du «sektore kooperatiboak ekonomiaren martxa onerako duen eginkizun estrategikoa, bere gaitasuna eta erresilientzia erakutsiz, enplegua eta lurraldeen garapena lehenetsiz». Eta orain inoiz baino beharrezkoagoa dela gaineratu du, «izan ere, enpresa kooperatiboen jarduera garrantzitsua da pandemiak sorturiko krisi ekonomikoa atzean uzteko».

Rosa Lavín lehendakariaren iritziz, akordioa KONFEKOOPen estrategiaren baitan kokatzen da: «kooperatibismoari laguntza gehiago eta hobea ematean, enpresa kooperatiboen lehiakortasuna indartzen eta hobetzen laguntzean, eta aldi berean kooperatiben balioak bultzatzean».